Category Archives: TALA O HAAPAI

FAIHOULOTO II I FUNAFUTI KO TUKUIFO

(Faifeau Dr. Kitiona Tausi)

A te mafaufauga ke fai he ahiga fou mo fanau Nanumaga i Funafti nei, he mafaufauga ko tai leva ne mafaufaugina ona eiloa ko te ahiga tenei Faihouloto II ko foliki ki te ‘noho o tino Nanumaga i Funafuti nei. Te mea taaua i so se galuega ko oti ne fuafuagina, ko tupe ke hahala mo fai a te galuega. Ko oti hoki ne kamata a fanau Nanumaga i Funafuti nei o halahala tupe mo fai a te ahiga. I te tauhaga tenei ko teka atu nei, e pela eiloa ko tai toka a mo sene mo fai a te gauega i tulaga konei: Te Kaupule i Nanumaga ka fakatupe ne ia te he $200,000 mai i ana tupe maua mai i te fesoasoani o te maaloo, e $100.00 te fesoasoani o te Maaloo Lahi kae he $50,000 te fesoasoani a fanau Nanumaga i Funafuti nei.

Ne kamata i kona a te fenua o fili he komiti galue tela koi a ka taumata ki te fakatokaga o te galuega, i tena ata kae ke fakatautau hoki a te tupe tela ka fakamaumau ki ei a te galuega. Ne fili a te fanau ko Halo Tuavai mo fai a te takitaki o te komiti, te tagata ‘lomi ata ko Tafeola O. Tausi mo lua kamuta i ei kola ne fili ke tau’mata ki te galuega, Ne toka a fakatokaga a te komiti, ko oti ne talia a te ata o te ahga mo tena fakataugha-tupe tel ne kamata hoki loa o fai a ota mo mea kola e manakogina. I te vaitaimi nei, a kaakoo katoa kola e manakogina mo te galuega ko oti katoa ne oko mai kae fakatautau pela ke tali aka

local 0 issue 2.jpgAhiga Faihouloto II i te aho mai i mua koituai o tukuifo.

mai i tai i te uaafu i te aho nei.

Tena la, ko te Aholua po 27 Fepuali 2018, ne iku i te fenua ke kamata a te galuega ki te tukuifoga o te ahiga tenei, Faihouloto II. I te taeao ‘malu tena i te itula e 5.00am,ne fai he lotu fakapitoa a fanau Nanumaga i loto loa i te ahiga, kae ne takitaki a te lotu ne te Faifeau o te fenua tela ko au, Faifeau Dr. Kitiona Tausi.

Mai i tua o te lotu, ne kamata i ei a te galuega ki te tapalega o fale fakamalumalu i te feitu ki te faletapu o te Eakelsia i Fa’kai Fou kae tela e ‘piki ki te ahiga kae e tahi i te ihi feitu o te ahiga kae e tu fakatea mo te ahiga.

Faihoulto II ne fakaulufale i te tauhaga 1986, ko tona uig ko tai katoa aka loa a tena 32 tauhaga, tela ko tai leva eiloa. I te kamatag o faite i te fakaotiga o te 1985, ne tai lahi loa a te  galueg ne fai ki te avakaga o te fatu mai i tai loa i kona. Ko te ata o te Faihouloto II ne fakatokagina ne Otinielu Tausi kae ko te kamuta ko Taliu Taliu. Ko toeaina o te fakapotopotoga a Nanumaga i Funafuti i te vaitaimi tena, ko tokouke ko oti ne malo’lo atu kae koi ‘toe mai nei ko Vaisameni Lameko. Ko tamataene kola ne fepaki mo latou a te galuega i te vaitaimi na, ko latou nei ko liu toeina i te taimi nei, kae ko te taulahiga o tamataene konei ko fepaki mo te galuega, koi  fo’liki ki loa i aho kona.

local 0 issue 3.jpgTamataene ko ofa ki lalo a te fakamalumalu I te feitu ki te Mainaga Fou
local 0 issue 4.jpgAhiga Faihouloto II i loto i te ‘kano fale.

E fai a te galuega ne tamataene kae ko tamafine e tu’tuu atu o taumata ki faiva a tamaaene kae ko te taimi nei ki tai taeao eiloa fatoa tea te 6.00am i te vaveao. Ko toeaina hoki mo loma’tua e taka’tu’tu eiloa o fakatalitali kit e tii ke oko atu, kae ko fafine o kaaiga ko holoholo atu mo telee mo fai te tii i te taeao tena.

Ne fakamanava o fai a te tii, oti ko te mea loa ko latou kola e ga’lue i te maaloo mo nihi o fakapotopotoga, ko tumuli atu ki galuega kae ko latou kola e haohao, ne fakahoko loa a te galuega a latou.

local 0 issue 5.jpgKo Laupane T. Tausi tena e fano mo tena tifa ko pi maligiligi loa i mea’kai kae ko he iloa atu me ko iai hena galuega ne fai i te taeao tena me ikai.

E haga tagata o fai a te galuega, kae ko fafaine e haga hoki o fakatoka a mo mea’kai mo fagai a te kau ga’lue.

local 0 issue 6.jpgKo kamta tamatene o ‘tala a laukaapa i te tuafale
local 0 issue 7.jpgKo kamata o ‘tala a te taualuga

 

TALOFA FANAU SALALAU A NANUMAGA KI TALA O HAAPAI

local 0 issue 1

Te kaupapa mo te ‘gie i loto i te Namo o Haapai I Nanumaga

TALA O HAAPAI

Lomiga 01/2018

(Faifeau Dr. Kitiona Tausi)

Ko fai au mo sui o te KMT News o avatu a fakatalofaga ki fanau salalau a Nanumaga, faitalia me e tehea a te koga e noho ei koe, kae e he puli koe i loto mo agaga o otou kaaiga kae maise tino Nanumaga katoa.

Te ‘malu o fanau salalau a Nanumaga i te avanoaga tenei. E vikia kae tavaea ne tatou a te alofa o te Atua ona ko ana fakatokaga mo tatou. Ko fakatalofa atu au ki fanau salalau a Nanumaga i so se koga o te lalolagi kae tela ko mafai o faitau ki te tuhitala tenei ‘Tala o Haapai’. A te tuhitala tenei he vaega e tahi o fakatokaga a te Kamupane ko te KMT Corporation kae e mai i lalo o tena tuhitala tela e fakaigoa ki te KMT News.

A mea konei ki tala he vaega taaua o atiakega i so se atufenua io me o fenua. A tala e ave i loto o tuhitala, o niusipepa, i letio kae nei i te initaneti. A mea konei ne mea faigaluega e hokohoko  ei a tala, ona ko tala ko me taaua kae e avatu ne latou a pokotiaga ki luga i tino, fenua, fakapotopotoga, te maaloo, te ekalesia. Ko tala konei ko latou kola e atiake ne latou a te olaga ‘noho ‘lei o tino. E tonu a tala e atiake ne ia a te olaga manuia i luga i fenua mo atufenua, kae e mafai hoki o faka’tupu ne ia ne fakalavelave e uke ki, e fakamahei ne ia a vaa o tino, kae e ofa hoki ne ia a galuega atiake a fenua.

KMT staffTino ga’lue o te KMT News: Mai i tua: Minime Kitiseni, Kitiona Tausi
Mai I mua: Sauiluma K. Tausi, Afasene Iosefa

E he tenei la te fakamoemoega o te tuhitala tenei ‘Tala o Haapai’. Te fakamoemoega tonu o tala o Haapai ke fakafiafia ne ia a tino Nanumaga salalau ke avatu ne ia ki tino Nanumaga a tala o ana tino mo olotou galueluega mo olotou atiakega kae ke mafai hoki o iai he avanoaga e fai manatu i ei a latou ki mataupu kola e aogaa kae taaua e atiake i ei a te olaga manuia o fanau Nanumaga salalau kae maise ko latou kola i luga i te fenua tonu.

Te mea taaua loa i tala i loto i tuhitala aveave, e penei hoki i letio, te initaneti, me he avanoaga mo latou kola e he ma’lohi a olotou lei, latou kola e fia fai a olotou manatu mo mafaufauga ki tulaga o te olaga, kae ko he mafai ona ia ko tulaga ko oko a latou ki ei, e ma’haki io me e noho i tulaga ma’lalo i loto i fakapotopotoga.

‘Tala o Haapai, he moemitiga o aku tootino eiloa ke mafai o iai he tuhitala penei mo fanau Nanumaga tela a tona taaua ke mafai o iloa ne tino Nanumaga salalau a mea ‘tupu i luga i te fenua tonu, a mea ‘tupu ki tino Nanumaga, gahuehuega o tino Nanumag kae maise ko atiakega a te fenua. Tela la, a te tuhitala tenei e fakatoka atu ne au mai i lalo o taku tuhitala ko te KMT News. E fakatautau pela ko Ahofa katoa ka ‘lomi i ei a te tuhitala tenei. I te vaitaimi nei, e mafai o maua ne koe a te ‘Tala o Haapai’ i otou Facebook mo otou meli, ke oko ki te po 22 Mati tela ka ‘togi i ei, e $2.00 i te kopi tela e ‘lomi kae e $50.00 I te tauhagai te website. Ka toe fakailoa atu a nihi o fakatokaga.

TUVALU KO TOKA O FAKAAFE FONOTAGA TAAUA E LUA

(Faifeau Dr. Kitiona Tausi)

Te Ulu o te Maaloo o Niusila e fakamoemoe ki te fakaafega ne Tuvalu a fonotaga taaua e lua, e tasi ke fai I te tausaga nei kae ko te sua fonotaga ke fai I te sua tausaga I ana pati me ka toka ‘lei Tuvalu mo fonotaga konei. A te fonotaga muamua ko te Fonotaga a Ulu o Maaloo o Fenua Polenesia tela ka fai I te vaiaso fakaoti o Iuni kae ko te fonotaga a Ulu o Maaloo o Fenua o te Pasefia e fakatautaubpela ke fai I se taimi I a Setema i te sua tausaga 2019. I pati a Enele, “me e ui eiloa a Tuvalu se fenua foliki a ia e talitonu me e mafai eiloa ne Tuvalu o fai”. E uke a fakatokga e manakogina ke fai, kae e gasolosolo ‘lei eiloa

 

“I tafa manakoga mo ‘koga ‘nofo, a galuega i te Queen Elizabethr II Park e oloolo ‘lei eiloa e pela foki mo te faka’tuuga o fale ‘nofo e 9 i loto i ei. A galuega katoa konei e ‘togi ne Tuvalu mo te fakamoemoega me ka isi ne fesoasoani e maua mai mai i o’tou taugasoa i tua e pela mo Niusila mo Ausitalia, Taiwan, kaati foki a Tuerkey mo Tiapani kae kaati foki mo nisi fenua aka, i pati a te Ulu o te Maaloo

TE FALE PASESE FOU O VAKALELE KA ‘TALA MA TAEAO

(Afasene Iosefa)

A te galuega i te fale pasese o vakalele fou ko maaea nei,kae ko te Kamupane Fakatuu’tuu, Reeves Iternational mot e CCB ENVICO tela se galuega fai fakatasi a laua, ko oka nei laua o tuku atu ki te Maaloo o Tuvalu.

Te Menetia o te Tuvalu Aviation Investment, Vitoli Iosefa ne lipooti mai ne ia me koi tuai o tuku atu ki te Maaloo  te fale, kae mo te ‘lei o latou kola ka fakaaoga ne latou a te fale, a te Menetia o te Kamupane Fakatuutuu tela ne onoono ki te galuega ne fai sena asiasiga i te fale ko te mea ke fakaasi faka’lei ne ia ki tino kola ka fakaaoga ne latou a te fale a mea taaua i loto i te koga tenei.

Ne fakaopoopo mai ne Vitoli me ko oti ne fakatoka a te polokalame mo te ‘talaga ne se komiti galue tela e sui atu i ei a tino kola ka aogaa ki a latou a te fale tenei kae ne onoono ki ei a te Kapineta. A te ‘talaga o te fale ka fai i te aso ma taeao, Asotolu, 28 Fepuali 2018.

A te galuega tela e ‘tusa mo te AU$5.07 miliona ne ‘togi ne te Pagike o te Lalolagi e auala i sena tupe fesoasoani ki Tuvalu

Kae koi faite te fale pasese, a galuega katoa kit e faiga o pasese mo kaakoo ne fai i te Falekupule o Vaiaku.

3 issue airport2.jpgVaiaku Falekaupule i te taeao o te aso nei, Asolua, 27 Fepuali kae ko oti ei ne foki te vakalele tela ne taunu mai i te taeao loa.
Vaiaku Falekaupule at 10.00am this morning, Tuesday, 27 February 2018, after this morning flight has returned to Fiji. Photo by Kitiona Tausi.

OUTER ISLANDS BOAT HARBOURS IN THE PROCESS OF CONSTRUCTION

(Rev Dr. Kitiona Tausi)

The Prime Minister, Hon Enele Sosene Sopoaga in a press conference last week on 23 February 2018, confirmed that funds for the work boat harbours for Nukulaelae, Nanumaga, Niutao and Nui may be secured and construction can begin this year or next year. The Project Manager for the Outer Islands Maritime Infrastructure, Mr Vete Sakaio confirmed that the work boat harbour at Nukulaelae will start construction sometimes in April/May this year and to be financed by the Asian Development Bank at a cost of about AU$13 million.

An engineering company in Mainland China has won the contract to construct the workboat harbour on Nukulaelae in May 2018. The company is named “The China Civil Engineering Construction Company” and is in joint venture with a company in Papua New Guinea ‘The Navae Construction Company”. Mr Sakaio got the opportunity to go to Papua New Guinea to see the concrete forms that are constructed by the Navae Construction Company. The concrete forms are part of the project.

3 issue harbour.jpgLeft-Right: Ms Kaimalie Kino, the Accountant of the Project and Project Manager, Mr Vete Sakaio. Photo by Kitiona Tausi

Sameni ‘tau pooti mo nanumaga mo niutao

(Faifeau Dr. Kitiona Tausi)

Te Menetia o te Galuega ki te Faitega o Uaafu mo Pooti Ga’lue, Vete Sakaio ne fakapa’tonu mai ne ia ki te KMT News me i sameni ‘tau pooti i Nanumaga mo Niutao ka toe faka’tuu i se taimi vave mai i mua nei. I pati a Sakaio me i te kamupane tela ne maua ne ia a te galuega ki te fakatuuga o te uaafu i Nukulaelae, ka toe faka’tuu foki ne ia a sameni tau pooti konei i Nanumaga mo Niutao.

Ne iloa atu pela me i sameni tau pooti kola ne fakamaseigina ne te matagi malosi ko te Cyclone Pam i te 2015 ko oko loa i te aogaa mo te fesoasoani i te taliga o kaakoo mai i tai i pooti e pela foki ki tai i pooti. A sameni tau poti konei ne fakatagi ne tino o fenua konei ke toe faka’tuu aka, kae ne talia ne te maaloo.

I pati a Vete me i galuega i te toe fakatuuga o sameni tau pooti konei ka fai mafai a tino ga’lue o te kamupane, mo olotou mea faigaluega mo olotou mea fakatu’tutu ko taunu mai ki Tuvalu i se taimi i a Mee/Iuni i te tausaga nei. Ka avatu muamua nete kamupane a olotou kopekopega ki nukulaele, mai i kona ko uga i ei a olotou kau ga’lue i kau e lua, e tasi ki Nanumaga, e tasi ki Niutao ke kamata a galuega i ei. E fakatautau pela me se lua vaiaso fua e fai i ei a galuega konei.

TE MAALO FAKAFETAI KAE FAKAMAALOO KI TAMALIKI KO IKU MANUIA A OLOTOU AKOGA I TE 2017

(Faifeau Dr. Kitiona Tausi)

I te Asolima o te vaiaso ko teka, te Failautusi ki te Maaloo, Tine Leuelu ne fakatoka ne ia se ‘kaiga mo tamaliki a’koga Tuvalu kola ko iku manuia a olotou gtaumafaiga mai i akoga ‘maluga ki tua atu. A te faigaamea tenei e fakaasi aka pela me ko te faigaamea muamua loa ke fai ki tama’liki akoga penei. I te ao mai i mua o te afiafia o te Asolima tenei, ne isi foki se fakatasiga a tama’liki a’koga konei mo ofisa ga’lue i mea tau akoakoga ki tua atu mo tama’liki kola e seki ga’lue e pela foki mo akoakoga ki tua mo tino kola ko ga’lue i te maaloo.

Te ‘kaiga i te afiaf ten ne fakatasi atu ki ei ko ofisa ma’luga o te maaloo e aofia i ei te Kovana o te Atufenua mo ten kaaiga, te Ulu o te Maaloo mo tena kaaiga, te Sui Maluga o Taiwan ki Tuvalu mo tama’liki a’koga I ei kola ko oti ne iku manuia a olotou akoga i te 2017.

I te faigaamea tenei, a te Ulu o te Maaloo, Enele Sosene sopoaga ne avatu a tena fakafetai mo te fakamaaloo o sui atu te maaloo ki tama’liki a’koga katoa kola ko iku manuia a olotou akoakoga i te 2017 mo olotou taumafaiga i loto i akoga kese’kese. Te Failautusi ki te Maaloo, Tine Leuelu ne fai foki sena laauga fakamalosi kae fai-ki-mua mo latou kola ko iku a olotou taumagfaiga.

 

Fakatoafe Teikauea tela se tamaliki tokotasi ne maua a tena pep ate Master of Commerce mai i te Akoga Maluga a te Pasefik ki Saute, ne ui ne ia a tamaliki a’koga I e lauga. Ne avatu ne Fakatoafe a te fakafetai ki te maaloo mo avanoag akoga kola ne maua ne latou i avanoaga akoga kola ne tuku atu ki a latou. I tena laauga, ne fakasae aka ne ia se mataupu ke mafaufau ki ei a te maaloo. Ne fakamolemole atu a Teikauea ki te maaloo ke toe fai aka sena faiga ki tama’liki a’koga kola ne a’koga mai i lalo i te polokalame akoga kae kaitalafu a te maaloo (SELF), I te iloa atu pela me ka toe ‘togi ne tamaliki konei a tupe kola ne a‘koga ki ei latou mai i lalo o te faifaiga tenei. Ne fakatagi atu a ia i te agaga o te ava mo te loto maulalo  me e mafai ne te maaloo o toe onoono aka ki te tulaga tenei, ke mafai o ‘fuli aka a te kaitalafu tenei ki se tupe fesoasoani ki tama’liki a’koga. Ne lasi a te patipati o tino mai i lalo kae e seki iai se tali a te maaloo ki te fakatagi tena.

ULU O TE MAALOO KE FATASI KI TE FONOTAGA A TE PNA

(Faifeau Dr. Kitiona Tausi)

Te Ulu o te Maaloo, Tena ‘Malu Enele Sosene Sopoaga, ko oti ne tiakina ne ia a te atufenua o fakatsi atu ki te fonotaga a te Fakapotopotoga a Fenua Faiika i te Feagaiga i Nauru (PNA) tela ka fai i Majuro i Masela.

Tena ‘Malu Enele ne fai ana pati me mai i mua o te fonotaga tenei tela e fai ke fai i te po 02 o Mati, ko te fonotaga fakapitoa a Minisita o te PNA i te po 26-28 Fepuali 2018. Te fonotaga tenei se fonotaga fakatoka mo te 2 o Fono Lasi a te PNA.

“Tatou, takitaki o te PNA, ka onoono kae fai palani mot e puipuiga o maume o te tou tai. Ko oko loa i te uke o vaka faiika mai i tua e faiika i o’tou koga-tai, kae ko tatou kola e ‘kau i te Feagaiga i Nauru ne ‘saga fua tatou ki te pulepulega o te faiika a vaka fai tili i fenua ki te togala mo te kogaloto o te Pasefika. E ‘tau mo tatou ke tausi kae atafi a maume o te  tai,’ i pati a Enele.

Mo Tuvalu, e lua loa a maumea totino o tatou, e tasi ko o’tou tino kae ko te lua ko te tou tai. Kae ko Tuvalu e ‘lago malosi ne ia a te mafaufauga ke uku aka a ‘togi o laisene o vaka faiika mai i tua kola e faiika i loto i Tuvalu.

A fonotaga e lua kola e fakatasi ki ei a te Ulu o te Maaloo e ‘togina ne te PNA mo te Fakapotopotoga Faiika a te Pasefika.

ULU O TE MAALO FAKATASI KI FAKAFIAFIGA O TE 50 TAUSAGA O TE TU-TOKOTASI O NAURU

Te Ulu o te Maaloo, Tena ‘Malu Enele Sosene Sopoaga ne ‘kamigina ne te Pelesitene o te Maaloo o Nauru ke fakatasi atu ki fakafiafiaga o te Fakamanatuga o te 50 Tausaga Tu-Tokotasi o te Maaloo o Nauru. Tena ‘Malu Enele ne olo fakatasi mo tena avaga, Salilo Sopoaga, te Ofisa Galue mai i te Minisitulii o Maloo ki Tua, Fakataukoloa, Tualisi, Enivailomene mo Leipa, Asogali T. Panapa mo te Ofisa Tausi o te Ulu o te Maaloo, te satini pulisimani, Penivao Penete.

Ne sui mai ne te Pelesitene o Nauru o fakaoko mai a te fakafetai ki te Ulu o te Maaloo, Enele S. Sopoaga ona ko tusaga ‘lei kola ne fai ne tino Tuvalu ki tena fenua i tausaga e uke ko ‘teka atu, i te taimi koi keli i ei a te one (1960-1990) kae koi ga’lue i ei a tino Tuvalu mo te Kamupane One o Nauru. A tino Nauru e fakaaloalo kae fakamaluga ne latou a tusaga a tino Tuvalu kola ne ga’lue i Nauru I aso konaa.

Ne fakailoa mai foki ne te Pelesitene o Nauru a tena ‘lago  o fesoasoani ki Tuvalu i so se mea tela e mafai ne tena maaloo o fai. Te tasi o mea mai i ei ko te talia ne tena maaloo a te manakoga o Tuvalu ke aumai a fatu ‘lasi kola ne ‘kati mai i koga keli o te one i te taimi koi keli ei a te one, kae ne faka’mafa mai ne ia me i fatu konei ko fatu foki loa kola ne ‘kati ne tino Tuvalu kae koi ga’lue i ei latou mo te Kamupane One o Nauru. I pati a te Ulu o te Maaloo o Tuvalu me i fatu konei ka fakaogaa mo puipui a te tafatai i te Queen Elizabeth II Park.

local1Mafutaga a te kaumalaga a te Ulu o te Maaloo, ‘Malu Enele Sopoaga mo fanau Tuvalu i Nauru.
Te avaga a te Ulu o te Maaloo, Salilo tena e tuu I te unumua mo tena lava lanumoana

Te Ulu o te Maaloo, Enele ne fakafetai atu foki ki te Maaloo o Nauru mo ie mafutaga mo se va ‘nofo gali tela ne atiake i te vaa o tino Tuvalu kola ne ga’lue i Nauru mo olotou kaaiga, mo tino Nauru, mai i taimi ko ‘teka ke oko ki te taimi nei. Ne fakafetai atu foki a Tena ‘Malu Enele ki te Maaloo o Nauru mo fakamanuiaga kola ne maua ne tino Tuvalu mai i galuega kola ne fai ne latou i Nauru. Ne fakamaonia mai foki ne ia me koi isi eiloa nei se fakapotopotoga a fanau Tuvalu tela e tu nei I Nauru, kae ne maua se avanoaga o te lotou kaumalaga ke ‘kamigina ne te fakapotopotoga a fanau Tuvalu i Nauru ki se ‘kaiga mo fakafiafiaga faka-Tuvalu. Ne fakafetai atu foki a te Ulu o te Maaloo Enele ki te Maaloo o Nauru mo te fakaaaloa ne latou a foitino o tino Tuvalu kola ne ‘mate kae ne tanu i Nauru ke tumau eiloa o tuku i kona.

Faifeau Dr. Kitiona Tausi

TUVALU KE TOMUA O FETAUI MO TE ULU O TE MAALOO FOU O NIUSILA

Mai i tua o tena fakatasiga ki fakafafiaga o te 50 Tausaga Tu-Tokotasi o te Maaloo o Nauru, te Ulu o te Maaloo, Tena ‘Malu Enele Sosene Sopoaga ne faima’laga atu ki Niusila o asi fakaaloalo atu ki te Ulu o te Maaloo Fou o Niusila, Tena ‘Malu Jacinda Artern. I tena fakasautalaga i tnea ofisa I te Asofa, 22 Fepuali 2018, I ana pati me I te pgai o te Malaga e fakaoko atu a alofaaga mo fakamanuiga o Tuvalu ki a Jacinda mo tena maaloo fou. “Te lagona ne ii I a matou ko te me ke maua se avanoga tomua o Tuvalu i loo nisi fenua mo maaloo ke fetaui i te foitino a Tuvalu mo Jacinda.

Ne fakaopoopo mai ne Enele me i te malaga tenei se fakatokaga eiloa a te Maaloo o Tuvalu kae ko te ‘togi o tena kaumalaga ne ‘togi katoa ne te Maaloo o Tuvalu.

E tokolua aka nisi o Minisita o te Kapineta, te Minisita o Maaloo ki Tua, Tena ‘Malu Taukelina Finikaso mo te Minisita o Fesokotakiga mo Oloolomalaga, Tena ‘Malu Monise Laafai, te Komesina Maluga o Tuvalu ki Niusila, Tena ‘Malu Paulson Panapa mo te Failautusi o te Minisitulii o Maaloo ki Tua, Fakataukoloa, Tualisi, Enivailomene mo Leipa, Fakavae Taomia ne aofia i olotou faipatiga mo ofisa o te Maaloo o Niusila.

local2Fakavae Taomia i te feitu fakamaui ki mua. Mai i tua i a Fakavae ko Monise Laafai, ko te Ulu o te Maaloo, Enele Sopoaga i te mata o te taipola ki tua, i tena feitu fakamaui ko Paulson Panapa mo Taukelina Finikasoo i te fakamaui ki mua. Tea ta mai i a Penivao Penete.
« Older Entries